మారుతీ సుజుకీ కారు రీప్లేస్‌ చేయాలని ఉత్తర్వులు

ఇ-20 పెట్రోల్‌ ఇంజిన్‌ గ్రాండ్‌ విటారా కారులో సమస్యలపై ఫిర్యాదుతో మారుతీ సుజుకీకి ఎదురుదెబ్బ తగిలింది. కొత్త కారును ఇవ్వాలంటూ రాయ్‌పుర్‌ జిల్లా వినియోగదారుల కమిషన్‌ ఆదేశాలు జారీ చేసింది. 2023 జనవరిలో తయారైన గ్రాండ్‌ విటారా స్ట్రాంగ్‌ హైబ్రిడ్‌ జెటా+ మోడల్‌ను 2024 జూన్‌లో ఓ వినియోగదారుడు కొనుగోలు చేశారు. కొనుగోలు చేసిన ఐదు నెలల్లోనే సమస్యలు బ‌య‌ట‌ప‌డ్డాయి. దీంతో వినియోగదారుల క‌మీష‌న్‌ను ఆశ్రయించాడు. 45 రోజుల్లో కొత్త వాహనాన్ని ఇవ్వాలని, లేదా రూ.20.50 లక్షలు, ఆర్‌టీఓ, ఇన్సురెన్స్‌ ఖర్చులు కలిపి చెల్లించాలని కమిషన్‌ మారుతీ సుజుకీని ఆదేశించింది.