Consumer

బంగారం వ్యాపారుల అక్రమాల వ‌ల‌న‌ కొనుగోలుదారులు తీవ్రంగా నష్టపోతున్నారు. మార్కెట్‌లో క్రయ, విక్రయాలు జరిగే వస్తువులకు అమలు చేస్తున్న బ్యూరో ఆఫ్‌ ఇండియన్‌ స్టాండర్డ్‌ నిబంధనలు బంగారు ఆభరణాలకు వర్తింపజేస్తూ ప్రభుత్వం చర్యలు చేపట్టింది. హాల్‌ మార్కు విధానాన్ని కూడ‌ అక్రమార్కులు తమకు అనుకూలంగా మార్చుకుంటున్నారు. దీనికి స్వస్తి పలికి ఇప్పుడు హాల్‌ మార్కు యూనిఫైడ్‌ ఐడెంటిఫికేషన్‌ నంబరు (హెచ్‌యూఐడీ) విధానంతో ప్రత్యేక యాప్‌ ద్వారా నాణ్యత గుర్తించేలా చర్యలు చేప‌ట్టారు. విక్ర‌యించే బంగారు ఆభరణాలపై హెచ్‌యూఐడీ నంబరు ముద్రించాలి. దీనివల్ల బంగారం నాణ్యత, తయారీ సంస్థ వివరాలు తెలుసుకోవచ్చు. బీఐఎస్‌ కేర్‌ గోల్డ్‌ యాప్‌ను ప్లేస్టోర్‌లోకి వెళ్లి డౌన్‌లోడ్‌ చేసుకోవాలి. ఆ యాప్‌ ద్వారా హెచ్‌యూఐడీ నంబరు స్కాన్‌ చేస్తే బంగారం నాణ్యతతో పాటు తయారీదారుని వివరాలు తెలుసుకోవచ్చు. 

ఇ-20 పెట్రోల్‌ ఇంజిన్‌ గ్రాండ్‌ విటారా కారులో సమస్యలపై ఫిర్యాదుతో మారుతీ సుజుకీకి ఎదురుదెబ్బ తగిలింది. కొత్త కారును ఇవ్వాలంటూ రాయ్‌పుర్‌ జిల్లా వినియోగదారుల కమిషన్‌ ఆదేశాలు జారీ చేసింది. 2023 జనవరిలో తయారైన గ్రాండ్‌ విటారా స్ట్రాంగ్‌ హైబ్రిడ్‌ జెటా+ మోడల్‌ను 2024 జూన్‌లో ఓ వినియోగదారుడు కొనుగోలు చేశారు. కొనుగోలు చేసిన ఐదు నెలల్లోనే సమస్యలు బ‌య‌ట‌ప‌డ్డాయి. దీంతో వినియోగదారుల క‌మీష‌న్‌ను ఆశ్రయించాడు. 45 రోజుల్లో కొత్త వాహనాన్ని ఇవ్వాలని, లేదా రూ.20.50 లక్షలు, ఆర్‌టీఓ, ఇన్సురెన్స్‌ ఖర్చులు కలిపి చెల్లించాలని కమిషన్‌ మారుతీ సుజుకీని ఆదేశించింది.